Ntaub Ntawv Xov Xwm rau cov Neeg Zov Me Nyuam

Lub xeev Minnesota cov Koom Haum Sib Koom Tes Qhia Tswv Yim thiab Pab Xa Koj Mus Ntsib Ib Qho Chaw txog Kev Zov Me Nyuam (CCR&R) ua peb yam raws li nram qab no kom thiaj txhawb nqa cov neeg zov me nyuam:

  1. lawv muaj tej khoos kas pab qhia txoj kev zov me nyuam rau cov neeg zov me nyuam kom lawv txoj kev zov me nyuam zoo zuj zus tuaj
  2. lawv saib xyuas los sis tswj hwm tej khoos kas pab txais nyiaj kom pab cov neeg zov me nyuam thiaj them tau cov nqi kawm ntawv ntawm tej khoos kas pab qhia txoj kev zov me nyuam; thiab
  3. lawv ua kom muaj kev zov me nyuam zoo dua vim lawv pab txais nyiaj rau, pab qhia txuj ci rau, thiab pab nrhiav neeg ua hauj lwm rau cov neeg zov me nyuam.

Ua Kom Muaj Kev Zov Me Nyuam Zoo Dua

photo of providerLub xeev Minnesota qhov CCR&R pab cov koom haum CCR&R hauv koj cheeb tsam kom nrhiav tau neeg ua hauj lwm thiab ceev cov neeg ua hauj lwm zov me nyuam no thiab kom nrog lwm lub koom haum hauv koog zej zog sib koom tes ua hauj lwm. Txawm hais tias zov me nyuam qhov twg, txawm yog nyob hauv cov me nyuam lub tsev, ib lub tsev uas zov me nyuam rau tsev neeg, ib lub tsev zov me nyuam, ib lub khoos kas Head Start, ib lub khoos kas rau cov me nyuam uas npaj kawm ntawv los sis rau cov uas twb pib kawm ntawv lawm, los sis nyob hauv yus ib tug kwv tij los sis phooj ywg lub tsev los, qhov uas txoj kev zov me nyuam zoo los tsis zoo nyob ntawm saib koj muaj ntaub ntawv xov xwm thiab kev pab ntau npaum li cas.

Kom thiaj paub tseeb hais tias cov neeg zov me nyuam zov me nyuam hauv tej qho chaw uas zoo rau tag nrho cov me nyuam, Minnesota CCR&R kev Sib Koom Tes xav txhawb nqa tag nrho cov neeg zov me nyuam. Txhua lub koom haum ntawm 19 lub koom haum CCR&R uas nyob hauv koj cheeb tsam muaj cov neeg ua hauj lwm uas pab muab ntaub ntawv xov xwm thiab kev pab rau cov neeg uas zov me nyuam.

Lawv muab kev pab raws li nram qab no:

Kom tau ntaub ntawv xov xwm ntxiv, cia li nias (click) rau ntawm Tej Kev Pab thiab tej Nyiaj Pab rau cov Neeg Zov Me Nyuam (English) los sis tiv tauj kom tau Linda Magel, lindam@mnchildcare.org

Kev Qhia Neeg Zov Me Nyuam

Lub xeev Minnesota cov Koom Haum Sib Koom Tes Qhia Tswv Yim thiab Pab Xa Koj Mus Ntsib Ib Qho Chaw txog Kev Zov Me Nyuam lub Khoos Kas Qhia Neeg Zov Me Nyuam lub hom phiaj yog pab cov koom haum Qhia Tswv Yim thiab Pab Xa Koj Mus Ntsib Ib Qho Chaw txog Kev Zov Me Nyuam ua rau tej kev zov me nyuam hauv tag nrho 87 lub county hauv lub xeev zoo zuj zus tuaj. Vim rau qhov uas lawv muab tej cib fim kawm txog kev zov me nyuam rau cov neeg zov me nyuam, raws sij hawm thiab yam zoo kawg nkaus, tej CCR&R muaj ib lub luag hauj lwm loj heev ua rau tej kev zov me nyuam tsim nyog los tsis tsim nyog. MNCCR&R kev Sib Koom Tes lub luag hauj lwm yog nrog tej CCR&R ua hauj lwm ua ke kom pab qhia txuj ci, ntaub ntawv xov xwm, kev ua ub no, thiab kev cai rau, thiab kom pab cov neeg zov me nyuam ua raws li lub xeev tej kev li kev cai, thiab kom pab ua ib txoj kev pab nyob nruab nrab ntawm tus txheej txheem CCR&R thiab lwm cov khoos kas cob qhia kev zov me nyuam hauv lub xeev. MNCCR&R kev Sib Koom Tes kuj coj kev thaum lawv txhawb nqa ib tug txheej txheem thoob plaws lub xeev uas cob qhia cov neeg zov me nyuam kom lawv loj hlob tuaj rau ntawm lawv tej kev txawj.

Lub xeev Minnesota cov Koom Haum Sib Koom Tes Qhia Tswv Yim thiab Pab Xa Koj Mus Ntsib Ib Qho Chaw txog Kev Zov Me Nyuam thiab lub xeev Minnesota lub Rooj Tsav Xwm saib xyuas Kev Pab Tib Neeg zoo siab qhia koj txog MNStreams.org (lub Xeev Minnesota qhov Chaw Txheeb Tseg tej Kev Kawm Ntawv thiab tej Kev Pab [Minnesota State Registry for Education and Meaningful Supports]). MNStreams yog tsim kom koj thiaj txuas tau rau tej kev cob qhia, tej kev kawm ntawv, tej nyiaj pab, thiab lwm txoj kev txais nyiaj yooj yim heev. Ib qho chaw txheeb tej kev cob qhia, qhov site no kuj muaj tej kev txheeb cov neeg qhia uas koj tshawb nrhiav tau, cov ntawv sau npe kom tau cov nyiaj pab REETAIN thiab CCR&R, thiab tej ntaub ntawv xov xwm txog lub rooj sab laj-yog ib qho chaw hauv paus rau koog zej zog tiag! Qhov site no yuav pab cov neeg zov me nyuam rau tsev neeg, cov neeg ua hauj lwm rau ib qho chaw zov me nyuam, ua hauj lwm rau Head Start, thiab ua hauj lwm rau cov tsev kawm ntawv, cov neeg qhia niam txiv, cov niam txiv, thiab tag nrho lwm cov neeg uas txaus siab saib xyuas cov me nyuam txoj kev nyob zoo thiab loj hlob tuaj.